منتدايات القديسة انا سيمون

منتدايات القديسة انا سيمون

منتدى مسيحى
 
الرئيسيةمنتديات انا سيماليوميةس .و .جبحـثقائمة الاعضاءالمجموعاتالتسجيلشات انا سيمون للشباب المسيحى فقطدخول

شاطر | 
 

 الموضوع: قبل ما يقفلوا الصندوق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
admin
admin


عدد المساهمات : 659
نقاط : 1800
السٌّمعَة : 0
تاريخ التسجيل : 24/05/2009
العمر : 34
الموقع : انا سيمون

مُساهمةموضوع: الموضوع: قبل ما يقفلوا الصندوق   الإثنين يناير 11, 2010 10:05 am

------------------
الموضوع: قبل ما يقفلوا الصندوق

اهداء لزهورنا التى تفتحت فى نجع حمادى فى ليلة ميلاد السيد المسيح 2010)
اصحى يا بنى
النهاردة العيد
وآديك لابس اللبس الجديد
ما ترد يا بنى .. فوق
اصحى
اصحى
قبل ما يقفلوا الصندوق ..
--------------------------------
قالولى يا ولدى كنت جاى
خرجت من الكنيسة وجاى
قوللى طعم الغدر إزاى؟
طعم الموت إزاى ؟
يا ترى قولت آى ؟
ولا مت من سكات
ولدى مات ؟
مات فى ليلة العيد
ولدى يا ناس شهيد ..
شايفك جاى من بعيد
شايل صليب وسعيد
بس قلبى محروق
وانت هنا قدامى
جوا صندوق

لبسوه البدلة لبسوه
ابنى عريس وبيزفوه
عين امه--------------------------------
يا ابن عمرى
إتسرق العمر منى ..
سنين أكبر وانمى
وأروى ارض عمرك بدمى
وفى يوم العيد
يتسرق الحلم منى
فينك يا ابنى
--------------------------------
لسه فاكرة ضحكتك
وبسمتك
ورقتك
واول مرة مشيت
لسه فاكرة خطوتك
ولما اتكلمت
ولما كبرت
وبيك فرحت
لما يوم نجحت
فرح نور دنيتك
ويوم العيد لما نزلت
مكنتش عارفة
انى دى اخر سكتك ..
--------------------------------
سند ابوه
اصحى يا بنى فوق
انا عريس يا اما ؟؟
ايوة يا ولدى ..
بس فى صندوق
--------------------------------
صليبى يا ولدى تقيل
انا من اليوم ده راحيل
دموعى كما بحر النيل
وحزنى كما الليل
طويل .. طويل
كل جرح فى الدنيا
ممكن يروق
الا انى اشوفك يا نضرى
فى صندوق ..
--------------------------------
اصحى يا وطن
النهاردة كان العيد
واديك لابس رصاص وحديد
وابنى على بابك شهيد
ما ترد يا وطن .. فوق
اصحى
اصحى
قبل ما يقفلوا الصندوق
الرجوع الى أعلى الصفحة اذهب الى الأسفل
http://anasemon.ahlamontada.net
 
الموضوع: قبل ما يقفلوا الصندوق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدايات القديسة انا سيمون :: ++قسم خاص للمقالات والاشعار المسيحة-
انتقل الى: