الي طلبة الثانوية الغامة

طبعا خلاص معظم المدرسين بداوا مراجعة او قربوا يبداوا

طبعا كلنا بقينا مرعوبين

كل واحد فينا نفسه يدخل الكلية اللي كان بيحلم بيها طول عمره

و خلاص اعصابه بدات تنهار

انا مش هالومكم لاني كنت في يوم من الايام في نفس موقفكم

لكن هقولكم ان ربنا موجود و مش هينس ابدا انك اتكلت عليه

بس اهم حاجة انك تبدا المراجعة بجد مع كل مدرس و تنفذ كل نصيحة ينصحهالك و كل طلب يطلبه منك

تاني حاجة ياريت تحل كتب دليل التقويم كويس و تلجا للمدرس لو في حاجة مش عرفتها و تعلم علي الحاجات اللي انت شايفها مهمة بالنسبة لك او مش مركز فيها قوى و تراجعها ليلة الامتحان.

في اخر السنة هتلاقي اصحابك علي طول بتصوت و بيقولوا انهم مش عارفين يلموا المنهج و بيجيبوا مليون مدرس و ده اساسا بيخليهم مش يعرفوا يذاكروا كويس.

خليك دايما في نفسك و ما تنساش ان ربنا معاك دايما.

دايما خليك عارف ان ربنا مش هيضيع عليك تعب السنة كلها حتي لو كنت شايف انك ما تعبتش.

صدقونى الثانوية العامة لعبة جميلة عايزة حد يلعبها صح و هي بكل المقاييس ارحم من الدراسة الجامعية.

و يا ريت و انتم بتذاكروا ايام المراجعة يبقي دايما معاكم نوتة تكتبوا فيها المعلومات المهمة اللي بتقابلكم,و دايما سمعوا بالورقة و القلم بعد المذاكرة.

يا ريت مش تضغطوا علي نفسكم زيادة و تناموا في المعقول يعني 6 او 7 ساعات تقريبا.

و كمان مش تنسوا ترفهوا عن نقسكم باي حاجة في نهاية اليوم........بس اوعوا تاخدوا اليوم كله ترفيه.

و طبعا الشيئ البديهي ان احنا مش ننسي حق ربنا علينا و نفضل دايما فاكرين انه سوف يعطينا النجاح لانه يحبنا.

++++اله السماء يعطينا النجاح و نحن عبيده نقوم و نبني