Admin
admin
عدد المساهمات : 659
نقاط : 1800
السٌّمعَة : 0
تاريخ التسجيل : 24/05/2009
العمر : 41
الموقع : انا سيمون
 |  موضوع: اختبر نفسك هل انت مسيحى؟؟؟  الإثنين أكتوبر 12, 2009 2:28 pm | |
| الاختبار ده يا جماعة حلو بجد اوى، بس عاوزة منكم الصرااااااااااااااااحة من غير اى شعارات أو ردود تقليدية ويارب يعجبكم
يلا مستعدين
..
1/ هل انت فخور انك مسيحى؟
أ- أكيد طبعاً
ب- عادى يعنى
ج- انا اتولدت لقيت نفسى مسيحى
2/ماذا يعنى "ربنا" بالنسبة لك؟
أ- هو حبيبى وصاحبى وابويا اللى بحبه وواثق انه بيحبنى
ب- هو ربى اللى بحتاجله فى مشاكلى وبيحلهالى
ج- هو الله اللى خلقنى وهو اللى بيحافظ عليا
3/ الصلاة ماذا تمثل فى حياتك؟
أ-حاجة اساسية لازم اعملها كل يوم
ب- حاجة فرعية على حسب الظروف
ج- بصلى كل فين وفين
4/ كم مرة تحرص على التناول؟
أ- من2-4 فى الشهر
ب- مرة كل شهر أو كل كام شهر
ج-حسب التساهيل لما بحضر قداس العيد مثلاً.
5/ ماذا عن قراءتك الكتاب المقدس؟
أ- يومياً
ب- 2-4 أسبوعياً
ج- بفتحه كل مدة
6/ تتوقع ايه لملكوتك؟
أ- بجاهد وعندى ثقة فى إلهى انه بيسامحنى على خطاياى وليا مكان عنده ومش مستحيل أخشه
ب- صعب ادخله اوى
ج- مستحيل اخشه انا فين والقديسين فين؟
7/ لو حد كلمك عن المسيحية من باب التشكيك؟
أ- عندى ثقة فى إيمانى انه صح100%
ب- بتردد وبفكر كتير فى اللى بيتقالى بس فى نفس الوقت عارف اننا صح
ج- بخاف أخش فى اى مناقشة لانى معنديش اى خلفية عن ديانتى وممكن اتهز بسهولة
8/ ايه رأيك انك تدق صليب على ايدك او انك تلبس صليب فى رقبتك؟
أ- معنديش مشكلة انى اعمل كده خالص
ب- بخاف من نظرات الناس ليا وبتكسف اعمل كده
ج- لا مبحبش اعمل كده نهائى
9/ لو حد سألك هو الاستاذ مسيحى؟
أ- اه طبعا مسيحى
ب- بحاول اتهرب من السؤال بس لو اضطريت ارد هرد واقول انا مسيحى
ج- لا مش مسيحى
جمع درجااااااااااااتك
حط لنفسك درجتين لكل اجابة (أ)
ودرجة لكل اجابة (ب)
وصفر لكل اجابة (ج)
!
!
!
!
!
!
!
!
!
نتيجتك بقى
لو اخدت من 14-18:
اطمن انت مسيحى حقيقى وفخور بمسيحيتك جداً وعايش فيها وفى تعاليمها وهى عايشة جواك اوى وباينة فى كل تصرفاتك
بإختصار انت مسيحى متشبه بسيدك المسيح يابختك!!
استمر فى جهادك
لو اخدت من 8-13:
انت انسان مسيحى وبتحب مسيحيتك ومسيحك بس معاهم بتحب العالم ورضا الناس عليك
حاول متعرجش بين الطريقين اختار طريق واحد بس وافتكر ان الابدية قريبة
لو اخدت من 0-7:
للأسف انت مسيحى بالاسم بس مش حاسس بقيمة انك اتولدت مسيحى ومش حاسس بمدى النعمة اللى انت فيها واد ايه ربنا عاطيك مميزات فى ناس كتير بتتمناها ومش قادرة تاخدها
رااااااجع نفسك كويس
يارب الموضوع يعجبكم
 | |
|
