قصة صديقتان حميمتان حزينه جدا ج2

قصة صديقتان حميمتان حزينه جدا

سكت أنا.
وقال:هاه ايش رايك؟
قلت:طيب.
ومرت أيام وعرفني على اصحابه الإثنين وصاروا يكلموني في أي وقت وبعد كل كم يوم يذكروني بالتهديد اللي علمهم عليه الراس الكبيره.
وبعد فتره ماهي طويله..
نزلت دموع ساره مع هذه الكلمه.
ساره: طلبوا مني اطلع معهم لشقه مستأجرها لهم صاحبهم اللي عرفهم علي كانت شقق عوايل لكن صاحبهم بسبب كثرة معارفه قدر يستأجرها لهم ويسكنهم فيها وهم عزاب.
ومع الضغط والتهديد ووعودهم لي انهم بعدها بيتركوني ولاراح يضروني أبد.
وان طلعتي هذي معهم بتكون قصيره مره وانهم بيحافظون علي مثل أختهم.وإنهم ماراح توصل فيهم النذاله انهم يسوون فيني شي واناماضريتهم.
اناصدقتهم وقلت اني بسوي اي شي وأفتك منهم.وكلهانص ساعه وترجع حياتي مثل أول وارتاح من تهديدات هالمجرمين..
طلعت في يوم من الأيام كأني بروح الجامعه وخليت السواق يوصلني للشقق
المهم نزلت وقلبي بينفجر من الخوف وفي نفس الوقت قهر.
خوف لا يمر أحد ويعرف سيارتنا وقهر اني أنا البنت الشريفه العفيفه اللي سمعتي مثل الحليب أجي برجليني للمكان هذا.؟
لكن حسبي الله ونعم الوكيل.
وصلت لباب الشقه وترددت كثير قبل أضغط الجرس.
فتح لي واحد منهم ودخلني وكان البيت مايطمن ابدآ.. جلست دقيقه وقلت خلاص استأذن أنا.
قال: وين ياحلوه بدري.
عاد انا مصدقه: لا بس ماأبي أتأخر.
قال: اقول استريحي اخوياي جاين.
قلت: وينهم تأخروا مواتفقنا تكونون هنا الثلاثه وتشوفوني واطلع بسرعه؟
قال: راحو مشوار وتلقينهم عند الباب الحين.
انتظرت شوي وقمت وأخذت شنطتي.
وقلت: أناماشيه.
قام وسبقني عالباب وقفل بالمفتاح.
وقال: خليك عاقله واقعدي لين يجون مافي طلعه.
قلت: لوسمحت افتح لي الباب ابي أطلع.
يهز براسه..لا.
ويقول:دخول الحمام مش زي خروجه.
ويضحك باستهزاء.
قعدت عالكرسي أرتجف من الخوف بس ماأبيه يحس بخوفي منه.وجلست ألف بنظري في الشقه أشياء غريبه والأغرب كمية اشرطة الفيديو الكثيره المتناثره في كل مكان.
وكراتين ماادري ايش داخلها والبيت مبهذل بالمره اللي يشوفه يقول عمره ماأحد نظفه أبد.
رن الجرس ووقفت أنا.
قال: وين رايحه اجلسي هنا لاتتحركين وهاتي الشنطه.
رديت:أي شنطه؟
قال: لاتستهبلين شنطتك ماني غبي داري ان جوالك فيها.
سحب شنطتي بقوه وقفل علي باب الغرفه وطلع.
حسيت اني في وضع المخطوفه.
بس أملي كبير ان اصحابه لمايجون يشوفوني واطلع هم وعدوني بكذا.
وقطع تفكيري صوت الثلاثه وهم يتكلمون.
!!! : بشر جت؟
؟؟؟: ايه جت جالسه داخل بالغرفه..والله ياهي قمر ماتوقعتها كذا.:
أنا عاد فهمت وش قاعدين يتفقون عليه.
قمت أصيح وأصارخ ابيهم يفتحون لي الباب.
وبعد شوي فتح واحد منهم الباب ودخل علي.
وقال: ياوجه الللللللله من وين جبتي هالجمال كله
انابحلم والا بعلم.
رجعت لورا وكنت ابكي..رجعت الين لزقت بالجدار وكنت أرجف من الخوف.ودخلو اصحابه الباقين وكان معهم قوارير الظاهر انها خمر.
قمت أصيح بصوت عالي وأترجاهم وأبوس رجلينهم عشان يطلعوني.
ويوم شفت مافي أمل..
ركضت لأقرب زاويه وسجدت لربي وقعدت أصلي وأدعي وهم يجهزون خمرهم وسجايرهم ويتساسرون وراي ويهمسون لبعض مستغربين من اللي أسويه.
وأنا أصلي وأصلي وأدعي ربي ينجيني من يدينهم ويسترني بستره ويستر عرضي..
كنت اقول:يارب احميني واستر علي موعشاني عشان أمي المريضه وعشان ابوي الطيب وأخواتي المسكينات ايش ذنبهم تتشوه سمعتهم بسببي.
والايارب خذني بهااللحظه طاهره قبل لاينجسوني بيدينهم.

لمى انفجرت عيناها بالبكاء لهول ماتسمع.
لمى: كملي ياساره كملي ايش سوو فيك.
��ساره: ايش اكمل يالمى.. ايش اقول مارحموا ضعفي قدامهم ولا وفوا بوعودهم معي..وأخذوا شرفي ببلاش اخذوه مني يالمى بشراسه كنت أصرخ بأقوى ماعندي وأحاول اني اخلص نفسي منهم لكن كانوا ثلاثه يالمى
غبت عن الوعي ولادريت عن اللي حولي.
وبعد ساعات ماأدري كم هي صحيت لقيت نفسي انزف ومرميه على الأرض وملابسي جنبي .. كنت أرجف بقوه ودموعي تنزل غصب عني وصوتي مبحوح من الصراخ حاولت اسند نفسي وكنت أتأوه مع كل حركه من الألم اللي حاسه فيه.
ياحسرتي على نفسي ياحسرتي على شبابي اللي ضاع.
ياحبيبي يبه سامحني لأني ماحافظت على كرامتك واسمك.سامحني لاني نزلت راسك المرفوع.انت ماتستاهل بنت مثلي..ليت ربي أخذني من زمان ليتني ماجيت لهاالدنيا ابد.
حاولت اقوم بصعوبه
لبست ملابسي وعباتي ومشيت مكسوره ولقيت واحد منهم كان سكران وجالس والباقين مدري وينهم.
سألني: على وين؟
جاوبت بصوتي المبحوح
وقلت: اخذتوا أغلى ماأملك ومابقى لي شي خلوني أمشي.
رمى لي شنطتي عالأرض عند رجله وأمرني أركع وآخذها ركعت وأخذتها وداس برجله على يدي و
قال: لماأحط شي براسي أوصله مفهووووم.
وضحك بصوت عالي ومسكني من شعري وفتح الباب ورماني عالأرض على ظهري وقفل الباب.نزلت اسحب نفسي لقيت السواق ينتظرني رجعت البيت وكانت الساعه 12 ونمت
خفت من الفضيحه لما أروح المستشفى خفت على امي وابوي.
وسكت عن الموضوع.
حسبي الله على كل ظالم..
يالمى الكلام هذا سر بيننا لين أموت وإذا مت وقتها قولي للي تبين.
لمى: بعد عمر طويل انشالله الله يخليك لنفسك ولأهلك ولي كلنا نبيك ونحبك والناس هذول والله بياخذون جزاهم من ربك. اناأقدر ابلغ عنهم وأوديهم بداهيه بس ماأبيك تنفضحين بالمحاكم.
ساره: لايالمى تكفين استري علي ماأبي فضايح انا وكلت امري لله.
لمى: لاحبيبتي لاتخافين انامستحيل اسوي شي فيه مضره لك.
كملو لمى وساره سهرتهم مع بعض ولمى تحاول انها تنسي ساره اللي صار وتحاول تحسسها انها بتبقى صديقتها مهماصار وان نظرتها لساره ماراح تتغير لأنها واثقه فيها وفي تربيتها وفهمتها ان ربي يمهل ولايهمل وأكيد ماراح يتركهم طال الزمن والا قصر.
راحت ساره لبيتها وهي مرتاحه لأنها فضفضت لصديقة عمرها.
وللأسف شهرين بس مرت بعد جمعت ساره ولمى في بيت لمى.
وصار حادث مروري مروع في طريق الجامعه حمل معاه روح أطهر انسانه في الوجود..وتوفت ساره وتركت هذي الدنيا باللي فيها.. تركت حلوها ومرها .. تركت أهلها وكل من يحبها.. تركت للمجرمين عذاب الضمير.. تركت سرها.. تركت حزن الدنيا في قلوب من حولها.
رحلت كفراشه تفرد جناحيها في السماء وكأنها تقول.. عفوآ لن أستطيع العيش في دنياكم.. فبياض قلبي وطهارته لاتحتمل شروركم ومكركم.
بكت على رحيلها القلوب قبل الأعين.. فقد جملها الله من الداخل والخارج..
لقد كانت ساره تستحق ان ترى جمال الدنيا وروعتها ولكن الدنيا أرتها جميع انواع الألم.. ألم الظلم .. ألم الذل من أحقر البشر.. ألم الحرقه..
سلبت منها الدنيا كل شيئ ..
وهكذا رحلت الرحيل الذي تقفل بعده كل الأبواب.. رحلت لحياة أفضل.
وداعآ ياساره يامن حملتي سرآ أعيا قلبك الطاهر..
ارقدي بسلام ياساره اطمئني يااقرب صديقاتي..
فلن يضيع حقك ابدآ